Autoritetet e Kosovës janë trimëruar së fundi, si kurrë më parë që pas përfundimit të luftës. Pjesëtarë të njësive speciale të policisë së Kosovës kanë arrestuar shefin e të ashtuquajturës Zyrë për Kosovën në qeverinë e Serbisë, Marko Gjuriç pasi ai hyri ilegalisht në Veri, pas refuzimit të hyrjës nga ana e Ministrisë së Jashtme të Pacollit.
Policia para arrestimit rrethoi objektin e ku ndodhej Gjuriç dhe Nikola Selakoviç në Mitrovicën e Veriut, ku ata morën pjesë në një tubim.
Gjuriç, sipas mediave serb para gjykatës në Mitrovicë u prit nga kryetari i kryetari i Mitrovicës së Veriut, Goran Rakiç.
Gjuriq, siç raporton “Novosti”, ka thënë se ai dhe Selakoviç ishin në Mitrovicë që të diskutojnë me serbët e Kosovës për të ardhmen e, siç ka thënë ai, “krahinës jugore” dhe ka porositur që pa ata nuk ka zgjidhje për “Kosovën e Metohinë”.
“Erdhëm ashtu siç premtuam dhe u morëm vesh para disa ditësh. Erdhëm që t’ju përcjellim mesazhin se Kosova e Metohia dhe veriu i KeM asnjëherë nuk do të jenë pjesë e Kosovës së vetëshpallur apo të Shqipërisë së madhe”, citohet të ketë thënë Gjuriç.
Ai ka shtuar se politika e Serbisë arritja e një kompromisi që do të nënkuptonte se “Serbia në KeM duhet të fitojë diçka”.
Kujtojmë se ministri i Jashtëm të Kosovës, Behgjet Pacolli paralajmëroi se Gjuriç do arrestohet nëse futet ilegalisht. /tesheshi.com/
