Shtetet e Bashkuara po dërgojnë dhe luftëanijen “USS Arlington”, si dhe sistemin e mbrojtjes “Patriot” në Lindjen e Mesme, tha Pentagoni të premten, për shkak të rritjes së tensioneve me Iranin.
Më parë, në Gjirin Persik është dërguar aeroplanmbajtësja “USS Abraham Lincoln”, si një mesazh i qartë kërëcnues për Iranin.
“Shtetet e Bashkuara nuk kërkojë konfrontim me Iranin, por ne jemi të gatshëm për të mbrojtur forcat dhe interesat amerikane në rajon”, sipas një njoftimi për shtyp të Pentagonit.
Irani njoftoi këtë javë se do të tërhiqet nga një pjesë e marrëveshjes bërthamore të vitit 2015 nënshkruar me fuqitë botërore, pasi Shtetet e Bashkuara u tërhoqën në mënyrë të njëanshme nga marrëveshja.
Nga ana tjetër, Garda Revolucionare Iraniane njoftoi se nuk do të negociojë me Shtetet e Bashkuara, ndërsa një klerik shiit ka paralajmëruar se flota amerikane do të mund të “shkatërrohet me një raketë.” /tesheshi.com/
