Takimi i sotëm mes Edi Ramës dhe Ilir Metës nuk ka qenë si të mërkurat e fundit. Ka zgjatur më pak se radhët e tjera dhe është shoqëruar me tension.
Shkaku qenë pikërisht manovra e Ilir Metës për “të future hundët” në sherrin e brendshëm në Partinë Socialiste mes Edi Ramës dhe Ben Blushit.
Por çka ndodur realisht?
Pikërisht, në kulmin e debatit në PS-së nëse duhen zgjedhje të reja për kryetarin apo duhet votëbesimi në Kongres se kryetari-kryeministër ka marrë votëbesim në zgjedhje, Ilir Meta, shpalli në mënyrë të beftë se në LSI do të ketë zgjedhje të kryetarit të partisë sipas parimit “një anëtar një votë”.
Zgjedhje që në partinë e Ilir Metës jo vetëm që e dijnë përfundimin por edhe konkurrentin. Pikërisht, disa ditë pas revoltës së Shkëlqim Metës, ish-drejtorit të Burgjeve në qeverinë “Meta” që u arratis pas hetimeve, kreu i Kuvendit fut spicat në një moment të nxehtë, me synimin për delegjitimuar argumentin e Edi Ramës.
Por skeni parë gjë akoma?! Sipas burimeve në Partinë Socialiste, probleme këtu janë dy: i pari, Ilie Meta duket se ka me vete disa “senatorë” të Partisë Socialiste. Arta Dade është njëra prej tyre. Problemi i dytë është se pikërisht ditën e sotme në Gjykatën e Tiranës ka nisur gjyqi ndaj Kastriot Ismailajt, njeriut kyç të marrëveshjes CES-DIA ku në fillim u përfshi Ilir Meta e më pas, ata që e përfshinë e hoqën nga lista.
Por problem qëndron se Kastriot Ismailaj mund të flasë në seancat gjyqësore për të depozituar dëshminë dhe kjo dëshmi pritet të jepet live në TV. Askush s’e di se çfarë do të dëshmojë ish-miku i Ilir Metës që tashmë është kthyer në një mankth për kreun e Kuvendit.
Dhe pikërisht sot, është shtyrë séanca gjyqësore për Kastriot Ismailajn, pasi një prej gjyqtarëve ka dhënë dorëheqjen. I përhershmi Dritan Prifti ka deklaruar se Baba Taku është parë në seancë.
Ndaj dhe për të shmangur vëmendjen apo edhe si presion, Luan Rama, i cili dy javë më parë bëri një “deklaratë të gabuar” në podiumin e LSI-së, këtë herë shpalli zgjedhjet sipas parimit “një anëtar një vote” për kryetarin, pas kundërshtimit të një ligji të qeverisë në Kuvend.
Ndërkohë, Artur Zheji, ose thënë ndryshe: “zëri zyrtar” i Ilir Metës, ka shkruar se kreu i LSI-së është një viktimë e një shantazhi permanent prej “oligarkëve të mëdhenj”.
Por burime të rëndësishme brenda mazhorancës bëjnë të ditur se i gjithë ky tension është pjesë e presionit për emërimin e ministrave të rinj, që siç duket do të “gatuhen” javën e ardhshme”…
Përgatiti: Ylli Pata – /tesheshi.com/
