Autoritetet e Londrës kanë raportuar kryeministrin britanik Boris Johnson në organin e kontrollit të brendshëm të policisë për të marrë parasysh nëse ai duhet të ndiqet penalisht për dhënien e trajtimit preferencial ndaj një biznesmeni amerikan me të cilin ishte afër gjatë të qënit kryebashkiak i Londrës.
Autoriteti i Madh i Londrës (GLA) raportoi të premten në Byrosën e Pavarur të Sjelljes së Policisë (IOPC), mbi një miqësi me efekt abuziv të Johnsonit me sipërmarrësin e teknologjisë amerikane Jennifer Arcuri.
Raporti bazohet në pretendimet se Arcuri është bashkuar në misionet tregtare të udhëhequra nga kryeministri aktual i Mbretërisë së Bashkuar kur ai ishte kryebashkiak i Londrës dhe se kompania e saj ka marrë disa mijëra paund para publike britanike.
GLA deklaroi se ajo regjistroi një “rast të sjelljes së keqe” kundër Johnson.
IOPC tani duhet të vendosë nëse do të fillojë një hetim penal kundër këtij të fundit për sjellje të pahijshme ndërsa ai udhëhiqte Londrën nga 2008 deri në 2016.
Arsyeja pse IOPC është përfshirë në këtë rast, ka të bëjë me faktin se Kryetari i Londrës sipas funksionit është dhe Komisioneri i Policisë së Londrës.
GLA drejtohet nga kreu i Londrës Sadiq Khan, një figurë e Laburistëve në opozitë.
Në reagimin e parë, zëra nga qeveria britanike thanë se ky ishte një “sulm i motivuar politikisht”.
Udhëheqësi i Laburistëve, Jeremy Corbyn, nga ana tjetër, tha që GLA kishte bërë një “vlerësim plotësisht të pavarur” dhe vendosi se kishte “pyetje serioze për t’u përgjigjur”.
Ky zhvillim vjen ndërsa Brexit ka çuar në tensione të larta polititike. /tesheshi.com/
