SHBA ka vendosur një aeroplanmbajtëse në Lindje të Mesme për t’i dërguar një “mesazh të qartë dhe të pagabueshëm” Iranit.
John Bolton, këshilltar i Sigurimit Kombëtar i SHBA-ve, tha se ata po vepronin “në përgjigje të disa treguesve paralajmërues dhe shqetësues”.
Vendosja e luftanijes ishte bazuar në pretendimet e një sulmi të mundshëm ndaj forcave amerikane, raporton agjencia e lajmeve Reuters, duke cituar një zyrtar të paidentifikuar amerikan.
Bolton shtoi se ata do të kundërshtonin çdo sulm me “forcë të rreptë”. Ai shtoi e “Shtetet e Bashkuara nuk po kërkojnë luftë me regjimin iranian, por se janë plotësisht të përgatitur për t’iu përgjigjur çdo sulmi “.
Anija ishte deri tani në Evropë për “lojërat e luftës” me aleatët e SHBA-ve që janë zhvilluar nga fundi i prillit.
Përgatitje për luftë?
Deri tani ka pak detaje nga amerikanët për veprimet e supozuara iraniane që kanë nxitur këtë paralajmërim dhe as për vendosjet specifike të Shteteve të Bashkuara.
Nuk është e pazakontë që transportues avionësh dhe mjete të ngjashme të dërgohet në Gjirin Persik. Përforcimi i aseteve ajrore me bazë ajrore në rajon është pothuajse rutinë.
Uashingtoni po i bën presion Iranit gjatë muajve të fundit; shpalljen e Trupave të Gardës Revolucionare iraniane si një grup terrorist, siedhe ashpërsimin e sanksioneve të naftës.
Por qëllimi i administratës Trump është i paqartë. Zëdhënësit e saj këmbëngulin se nuk duan luftë me Iranin, por gjithashtu mezi fshehin entuziazmin e tyre për ndryshimin e regjimit në Teheran.
Shumë kritikë të Administratës kanë frikë nga zhvillimet e mundshme që qojnë drejt një konflikti që, sipas tyre, mund të shpërthejë me apo pa dashje.
Kjo nuk është hera e parë që anija USS Abraham Lincoln është vendosur në Gjirin Persik. Megjithatë, kjo vendosje vjen në mes të tensioneve në rritje midis SHBA dhe Iranit.
Vitin e kaluar Presidenti Donald Trump u tërhoq në mënyrë të njëanshme nga një marrëveshje e rëndësishme bërthamore që Shtetet e Bashkuara dhe vendet e tjera kishin rënë dakord me Iranin në 2015.
Sipas marrëveshjes, Irani kishte rënë dakord të kufizonte aktivitetet bërthamore dhe të lejonte inspektorët ndërkombëtarë, në këmbim të lehtësimit të sanksioneve.
Dhe muajin e kaluar Shtëpia e Bardhë tha se do t’i jepte fund përjashtimeve nga sanksionet për pesë vende – Kinën, Indinë, Japoninë, Korenë e Jugut dhe Turqinë – që ende po blejnë naftë iraniane.
Në të njëjtën kohë, SHBA-të gjithashtu listuan Gardën Revolucionare të Iranit në grupin e organizatave .
Sanksionet kanë çuar në një rënie të madhe në ekonominë e Iranit, duke ulur vlerën e monedhës së saj, duke katërfishuar normën vjetore të inflacionit, duke larguar investitorët e huaj dhe duke shkaktuar protesta. /tesheshi.com/
