Kompania amerikane Rising S, e cila merret me ndërtimin e bunkerëve, tha se kërkesa për vendstrehime nëntokësore është rritur me 90 për qind, pas përshkallëzimit të retorikës mes SHBA-së dhe Koresë së Veriut.
Sipas përfaqësuesit të kompanisë Gary Lynch, rritja më e madhe e kërkesës për bunkerë është në Japoni.
“Qytetarët e Japonisë janë shumë të shqetësuar për situatën e përgjithshme me Korenë e Veriut, dhe njerëzit kanë filluar të përgatiten për ndonjë shpërthim eventual të luftës bërthamore, tha Lynch.
Është evidente rritja e kërkesës për vendstrehime edhe në Shtetet e Bashkuara, pas raportimit të mediave se Koreja e Veriut ka testuar me sukses një bombë bërthamore. /tesheshi.com/
