Marzouq Al-Ghanim, kryetar i Asamblesë Kombëtare të Kuvajtit (parlamenti), ka thënë se situata në rajon është serioze, referuar tensioneve mes SHBA dhe Iranit. Në seancën më të fundit, ai u shpjegoi ligjvënësve se ata janë të gatshëm që të marrin në konsideratë ndonjë gjendje lufte në rajon.
Al-Ghanim u tha edhe gazetarëve më pas “se situate është serioze dhe delikate, kështu që është e rëndësishme për të bërë përgatitjet dhe për të marrë të gjitha masat.”
“Shteti është i gatshëm të përballet me çdo lloj situate lufte në rajon, nëse është fjala për të”, theksoi ai.
Ministritë kanë paraqitur masa parandaluese, duke përfshirë një plan të Ministrisë së Informacionit për të rritur ndërgjegjësimin për rëndësinë e ruajtjes së stabilitetit të brendshëm – shtoi ai.
Kur u pyet nëse ekziston mundësia e luftës në rajon, Al-Ghanim ka thënë: “Bazuar në informacionin e disponueshëm dhënë nga ministrat kompetentë për këtë mundësi, për fat të keq mundësia është e madhe, për shkak se gjërat nuk po shkojnë në drejtimin që ne duam.”
Al-Ghanim shpjegoi se përgatitjet e qeverisë këtë herë në krahasim me krizat e mëparshme “janë shumë më mirë se kohët e kaluara.
Kuvajti është një vend i vogël dhe ndikohet shumë nga zhvillimet në rajon, ndaj ai tha: “Jemi të shqetësuar për gjërat përtej kontrollit tonë dhe rrethanave të jashtme”.
Tensionet mes Shteteve të Bashkuara dhe Iranit janë rritur në javët e fundit pasi Uashingtoni shtrëngoi sanksionet në eksportin e naftës iraniane dhe dërgoi një aeroplanmbajtëse amerikane në rajon për të rritur presionin ndaj Teheranit.
Por kryeministri i Irakut, Adil Abdul-Mahdi hodhi poshtë mundësinë e shpërthimit të luftës në mes Iranit dhe Shteteve të Bashkuara, duke thënë se të dy palët nuk e duan atë. Ai gjithashtu theksoi se ka tregues nga të dyja palët se gjithçka do të përfundojë mirë. /tesheshi.com/
