Presidenti turk Rexhep Tajip Erdogan tha të mërkurën se vendi i tij do të merrte atë që i takon, si në Mesdhe ashtu edhe në Detin e Zi dhe Egje.
Sa i përket tensioneve në Mesdheun lindor, ai paralajmëroi udhëheqësit e vendeve të tjera që po kundërshtojnë të drejtën e Turqisë për të eksploruar dhe shfrytëzuar burimet natyrore të rajonit.
Ai nënvizoi se Turqia “do të marrë atë që i takon në Mesdhe, Detin e Zi dhe Detin Egje”.
“Ne duam që të gjithë të jenë të vetëdijshëm se Turqia nuk është një vend, durimi, vendosmëria, gatishmëria dhe guximi i të cilit duhet të testohen.”
“Ajo që ne themi, ne do ta bëjmë atë, me çdo kusht. Kushdo që është gati të qëndrojë para nesh, le ta provojë ose të hiqet nga rruga jonë,” tha Erdogan.
Presidenti turk përsëriti se vendi i tij nuk pretendon territorin e ndonjë vendi tjetër.
“Ashtu siç nuk pretendojmë territorin e askujt, sovranitetin dhe interesin, ne nuk do të lejojmë uzurpimin e asaj që na takon”, tha ai, duke u bërë thirrje vendeve të rreshtuara kundër Turqisë që “të largohen nga gabimet që mund të hapin rrugën për shkatërrimin e tyre”. /tesheshi.com/
