Austria dhe Gjermania, i janë bashkuar Francës, duke thënë se po shqyrtojnë mundësinë për të mos marrë pjesë në lojërat olimpike dimërore në Korenë Jugore në vitin 2018.
Shkaku i këtij vendimi janë tensionet në rritje lidhur me programin atomik të Koresë së Veriut.
Lojërat Olimpike të parashikuara të zgjasin nga 9 e deri më 25 shkurt të vitit të ardhshëm, mbahen në një vend që është vetëm 80 kilometra në jug të kufirit të fortifikuar të dy Koreve.
Për shkak të përshkallëzimit të deklaratave ndërmjet Phenianit dhe Uashingtonit këtë javë, ministri i jashtëm i Koresë Veriore u tha gazetarëve në Kombet e Bashkuara në Nju Jork se vendi i tij mund ta kryejë një test të ardhshëm të bombës me hidrogjen mbi Oqeanin Paqëor, e jo nën oqean.
Ky shkëmbim i ashpër i kërcënimeve ka ndikuar që ministrja e sportit e Francës, Laura Flessel, të deklaronte se “nëse kjo përkeqësohet dhe ne nuk kemi siguri, atëherë ekipi i Francës nuk do të udhëtojë drejt Koresë së Jugut”. /tesheshi.com/
