Situata e tensionuar së fundi në Al Aksa në Jerusalem, ka detyruar presidetentin turk, Erdogan që të zhvillojë një bisedë telefonike me homologun e tij palestinez Mahmud Abaz.
Mësohet që mes tyre të jetë folur mbi situatën delikate në vendin e shenjtë, ku forcat izraelite kanë vendisur që të ndalojnë muslimanët të futen aty, ndërkohë që shkuan deri tek arrestimi i muftiut të Jerusalemit.
Gjithçka ndodhi pas nja incidenti me armë një javë më parë. Sipas asaj çfarë është shprehur Erdogan, veprimet e Izraelit që kufizojnë hyrjen e besimtarëve në Al Aksa janë të papranueshme dhe se ruajtja e karakterit islam dhe shenjtërisë së Jerusalemit dhe Al Aksa-së është e rëndësishme për gjithë botën muslimane.
Pas incidentit ku u vranë dy policë izraelitë dhe tre paletinezë, autoritetet thanë se mbyllja e kompleksit ishte e nevojshme për të kryer kontrolle sigurie. Më pas të dielën u rihap, por me detektorë në hyrje, duke nxitur bojkotin palestinez mbi përpjekjet e pretenduara izraelite për të zgjeruar kontrollin e tyre mbi pjesën e ndjeshme të zonës. /tesheshi.com/
