Për Tiranën zyrtare, nuk është populli serb ai që ka vendosur apo vijon të vendosë barrikada në veri, por janë struktura kriminale serbe ato që po ndërmarrin akte të tilla destabilizuese. Kjo u tha së fundi në një deklaratë të ministres së Jashtme shqiptare, Olta Xhaçka.
“Barrikadat që janë ngritur në veri, jo prej ndonjë vale zemërimi popullor, por nga një grup kriminelësh famëkeq, nuk po pengojnë thjesht vijimin normal të jetës.
Ato janë po ashtu skena që të kujtojnë ditët e errëta të viteve 1990 të cilat rajoni ynë i ka lënë pas njëherë e mirë bashkë me ish Jugosllavinë që shkoi e vate”, shkrua kjo grua që drejton diplomacinë shqiptare.
“Jemi me Kosovën”, thotë ajo në mesazhin e saj.
“Ne jemi me Kosovën në këtë situatë të vështirë dhe i bëjmë thirrje autoriteteve serbe të mos i justifikojnë as barrikadat e as grupet kriminale që refuzojnë t’i largojnë ato. Të luash me zjarrin është një ide shumë e keqe për të ardhmen e të gjithë fëmijëve tanë”, mbyll mesazhin e saj Xhaçka. /tesheshi.com/
