Eduart Selami, një ndër zërat më kritikë brenda grupit parlamentar të PD-së, është treguar sërish i ashpër ndaj kryetarit Basha, sipas tij për qëndrime antiperëndimore të mbajtura në kuadër të reformës në drejtësi.
“Po lini nam”, mësohet nga burime tw brendshme që t’i jetë drejtuar Selami Bashës gjatë një mbledhjeje të tensionuar nga debatet e brendshme, lidhur me qëndrimin që duhet mbajtur këtej e tutje lidhur me votimin e reformës; e provokuar kjo nga dështimi i takimit të së hënës mbrëma mes Bashës dhe Ramës.
Tashmë, opozita ndodhet në një moment delikat, pasi për votimin e reformës po ka një angazhim të pazakontë ndërkombëtar, ku pritet që Tiranën ta vizitojë këto ditë, edhe për këtë çështje, vetë zëvëndëspresidenti amerikan, Joe Biden.
Ndërkohë, diplomatë të rëndësishëm në Tiranë, u kanë lëshuar mesazh deputetëve të PD-së për ta votuar me ndërgjegjen e tyre reformën, duke u dhënë kështu viston që të sfidojnë dhe vendimet partiake lidhur me të. /tesheshi.com/
