Tashmë po vërtetohet gjithçka nga prognoza se LSI do të tentojë tensionimin dhe prishjen e zgjedhjeve. Dy pikat e nxehta të këtyre zgjedhjeve janë Elbasani dhe Lezha, apo më qartësisht zona ku ishte deputete dhe ajo ku kandidon sot bashkëshortja e Ilir Metës, Monika Kryemadhi.
Vetë presidenti i zgjedhur ka mbërritur në Lezhë dhe i ka bërë thirrje njerëzve të ngrihen: “Ilir Meta ka ardhur këtu me eskortën e tij për tju mbrojtur nga bandat e Rilindjes. Ngrihuni të gjithë”.
Nënkryetari i LSI-së ka dalë dy herë për të akuzuar PS se po kërcënon votuesit, por asnjë emër i përveçëm nuk ka dalë nga zërat zyrtarë të LSI-së si akuzë apo që të depozitohen në polici.
Ndërkaq, në Prokurori është depozituar një akuzë zyrtare ndaj disa personave konkretë, të cilët kanë dhunuar një vëzhgues të PS në Cërrik.
Personat e denoncuar janë të LSI-së dhe shoqërues të Monika Kryemadhit.
Vetë Kryeprokurori Adriatik Llalla ka shkuar në Elbasan. Ai ka zhvilluar një takim me kryeprokurorin e rrethit, pasi ka marrë një kërkesë zyrtare pëe ndjekje penale ndaj LSI.
Ndërkaq, Ministri i brendshëm Dritan Demiraj ka deklaruar se në institucionin që ai drejton kanë mbërritur qindra telefonata për sinjalizime se po blihet vota. Por deri tani ka deklarata e jo denoncime. /tesheshi.com/
