Një grup prej 11 anijeve të marinës së Gardës Revolucionare të Iranit (IRGCN) po afrohen në mënyrë të rrezikshme te anijet e marinës amerikane dhe rojeve bregdetare në Gjirin Persik, tha të mërkurën Ushtria e SHBA.
Sipas deklaratës nga ushtria amerikane, anijet iraniane iu afruan gjashtë anijeve luftarake amerikane që ishin duke u lidhur me helikopterët ushtarakë në ujërat ndërkombëtare në atë pikë. Në një moment, ata ishin vetëm dhjetë metra larg nga një anije roje bregdetare amerikane.
Pala amerikane lëshoi disa paralajmërime përmes radiove e sirenave, duke bërë që anijet iraniane të largohen pas një ore.
“Lëvizjet e rrezikshme dhe provokuese nga Garda Revolucionare iraniane kanë rritur rrezikun e një gabimi në llogaritje dhe të një përplasjeje të mundshme, pasi nuk janë pajtuar me Konventën e njohur ndërkombëtarisht për Ligjet Ndërkombëtare për Parandalimin e Përplasjeve në Det”, tha ushtria amerikane në deklaratë.
Tensionet midis Iranit dhe SHBA-së kanë shpërthyer përsëri në fillim të këtij viti pas vrasjes amerikane të liderit të Gardës Revolucionare Kasim Suleimani në Irak. /tesheshi.com/
