Momente tensioni janë shënuar në Këln, pas incidenteve të natës së vitit të ri ku akuzohen disa azilkërkues për sulm ndaj disa vajzave.
Lëvizja antimyslimane dhe antiemigrante Pegida ka dalë në shesh duke hedhur parulla raciste ndaj të ardhurve nga Lindja e Mesme, por ata janë ndeshur me një grup protestuesish të ekstremit të majtë, të cilët bëjnë thirrje për solidaritet dhe trajtim human të azilkërkuesve që vijnë nga lufta.
Policia është përpjekur të mbajë të ndara dy manifestimet dhe ka përdorur topa uji në momentin e përshkallëzimit të dhunës.
Po sot në Këln është zhvilluar edhe një protestë e shoqatave të grave, për të manifestuar pakënaqësinë ndaj dhunës së ushtruar ndaj tyre.
Mes masave të propozuara nga kancelarja Merkel parashikohet mundësia që refugjatët të humbasin të drejtën e azilit në rast krimesh.
Një mekanizëm ky, i propozuar nga CDU, që do të mundësonte përshpejtimin e dëbimit të emigrantëve fajtorë për krime.
/tesheshi.com/
