Maria Sharapova do të mund të kthehet në fushën e tenisit më 26 prill të vitit të ardhshëm, pasi Gjykata e Arbitrazhit Sportiv e uli dënimin e saj nga dy vite në 15 muaj.
Tenistja ruse 29-vjeçare do të dënohej më herët nga Federata Ndërkombëtare e Tenisit me dy vite përjashtim nga aktiviteti sportiv. Ajo do të rezultonte pozitive në testet e dopingut në turneun e parë Grand Slam të vitit, në Australian Open.
Pesë herë fituesja e turneve Grand Slam do të dilte se kishte përdorur meldonium, një substancë që u ndalua më 1 janar të këtij viti. Sharapova do të shfajësohej duke thënë se e kishte përdorur meldoniumin për arsye shëndetësore që prej 2006-s. Ajo u mbrojt me faktin se nuk e kishte ditur se kjo substancë ishte shtënë në listën e të ndaluarave.
“Po numëroj ditët derisa të kthehem,” është shprehur Sharapova pas vendimit të apelit.
“Tenisi është pasioni im, dhe më ka munguar,” ka shtuar ajo, e gëzuar se do të rikthehet shpejt të luajë tenis.
“Një nga ditët e mia më të lumtura, teksa mësova se mund të kthehem te tenisi në prill,” janë fjalët e saj. /tesheshi.com/
