Një ditë më parë u mbushën 26 vjet nga incidenti më i rëndë në fushat e tenisit, një lojë e gustos aristokratike, pa atë lloj nervi që mund të çojë deri në përplasje fizike.
Por ja që Monika Selesh, një prej emrave simbol në historinë e tenisit për femra, do gjendej afër një të lojturi mendsh, i cili e goditi me thikë në kulmin e lojës.
Gjithçka ndodhi në një turne në Hamburg, ku Günter Parche, një tifoz i çmendur i rivales së Selesh-it, gjermanes Steffi Graf, e qëlloi kampionen e botës teksa ajo po përballej me bullgaren Magdalena Maleeva.
Siç rezultoi nga hetimet, tifozi gjerman 39-vjeçar nuk pajtohej me faktin se Monika Selesh po kryesonte listën WTA mbi Steffi Graf, ndërkohë që të dyja i priste një përballje e madhe.
Edhe përë këtë arsye, Günter Parche synonte ta dëmtonte Seleshi-in siç dhe ndodhi, pasi hungarezja e lindur në Novi Sad të Vojvodinës të ish-Jugosllavi, sot krahinë në Serbi, u kthye në fushë vetëm pas dy vitesh nga plagosja.
Autori i plagosjes nuk përfundoi në burg, por u dënua dy vjet me kusht dhe me një trajtim psikiatrik.
Policia gjermane tha atëherë në një deklaratë se ishte e qartë se Parche nuk donte ta vriste Monika Selesh-in, porse vetëm donte t’ja bënte të pamundur konkurrimin me Steffi Graf.
Selesh, edhe pse iu kthye karrierës pas dy vitesh, nuk mori pjesë kurrë në turnetë e organizuara në Gjermani. /tesheshi.com/
