Kosovarët pëlqejnë që të udhëtojnë me avion më shumë së mjete të tjera të transportit. Të paktën kështu thuhet në një raport të publikuar nga Agjencia e Statistikave të Kosovës.
Sipas këtij raporti, numri i fluturimeve ajrore në tremujorin e dytë të vitit 2017 është 1 mijë e 767 apo 5.4% më tepër së në tremujorin e njëjtë të vitit të kaluar.
Në vitin 2016, numri i fluturimeve në tremujorin e dyte ishte 1,676, ndërkaq këtë vit është 1,767.
Po ashtu, me rritjen e fluturimeve, edhe numri i udhëtarëve është më i madh.
Numri i udhëtarëve që kanë shfrytëzuar aeroplanin si mjet transporti është rreth 465 mijë, në raport me tremujorin e njëjtë të vitit të kaluar qe kemi rritje për 9.15%
Numri i fluturimeve në përgjithësi nga viti në vit është duke u rritur.
Ndërkohë që në vitin 2005 kanë qenë 1,985 fluturime në vit, ky numër është rritur në vitin 2009 në 5,709 fluturime.
Në vitin 2013 numri i fluturimeve ka qenë më i lartë ndër vite me 7 mijë e 305, por që ky numër ka rënë tani në mbi 6 mijë. /tesheshi.com/
