Ministria e Shëndetësisë saudite njoftoi të dhënat për temperaturat e larta rekord në vendet e shenjta gjatë pelegrinazhit të këtij viti të Haxhit.
Temperaturat u rritën në 51.8 gradë Celsius në hije në pjesën qendrore të Xhamisë së Madhe, tha Ministria, me Arafatin që arriti mbi 48 gradë Celsius, gjithashtu në hije, dhe Mina dhe Muzdalifah 46 gradë.
Pelegrinazhi vjetor, këtë vit, zhvillohet në verë, e cila është jashtëzakonisht e nxehtë në Arabinë Saudite. Vetëm dje, kishte më shumë se 2,700 raste të “lodhjes nga nxehtësia”, njoftoi Ministria e Shëndetësisë saudite.
Në përgjigje të nxehtësisë ekstreme, Ministria u bëri thirrje pelegrinëve që të minimizojnë ekspozimin në diell për të shmangur sëmundjet që lidhen me nxehtësinë. Ministria rekomandoi që të qëndrohet i hidratuar dhe në zona me hije sa herë që është e mundur. /tesheshi.com/
