Drejt fundit të turpshëm është puçi ushtarak në Turqi.
Televizioni shtetëror turk ka rinisur të transmetojë. TRT Haber, kanali informativ i transmetuesit shtetëror, edhe pse me studiot e mbushura me qytetarë që i thanë jo puçit të strukturës paralele, ka filluar të transmetojë, sido që jo sipas një programacioni të caktuar.
Ndërkohë shefi i shtabit të përgjithshëm të ushtrisë turke i ka përgënjeshtruar lajmet për një marrje peng të tij, duke deklaruar se është në krye të detyrës.
Një listë me 400 emra puçistësh është bërë e njohur, në krye të së cilës qëndron ushtaraku Muharrem Köse, i pushuar jo shumë kohë më parë.
Eshtë hapur ura Fatih Sulltan Mehmet mbi Bosfor, e bllokuar deri pak më parë. Mbi të qëndron një tank si shenjë e puçit ushtarak. Qindra njerëz tundin flamujt në të, ndërsa makinat e shumta u bien borive pa mbarim. /tesheshi.com/
