Gjykata kombëtare spanjolle ka shpallur mediumin ‘TV3’ të pafajshëm, lidhur me një denoncim që kishte bërë klubi mbretëror rreth një vidoje në të cilën futbollistët madrilien u paraqitën si hiena.
Gjykata potencoi se “ videoja duhet të konsiderohet brenda limiteve të arsyshme kritike”.
Sipas një deklarate nga ‘TV3’, gjykata kombëtare e Madrid-it ka tërhequr vendimin e dhënë në instancën e parë të gjykimit, në të cilën parashihej që televizioni publik katalan së bashku me tre drejtuesit më të lartë të saj, të paguanin një shumë prej 20,000 eurosh ndaj Real Madrid-it, për shfaqjen e videos me 13 Shkurt 2013, gjatë programit sportiv ‘Esport3’.
Në video u shfaqën imazhet e lojtarëve si: Alvaro Arbeloa, Xabi Alonso, Pepe, Fabio Coentrao dhe Mesut Ozil, teksa shkaktonin ndërhyrje ndaj lojtarëve të Barcelonës, me një miksim dhe me një varg figurash prej hienave dhe me një zë tipik të dokumentuar për të shpjeguar se si këta “kafshë kishin dalë për të gjuajtur.
“Përderisa mund të merret si një kritikë thumbuese, kjo video nuk mund të konsiderohet fyese, as formalisht, e madje as materialisht, pasi në të nuk ka fyerje, poshtërime apo nënçmime”.
Kështu e ka vlerësuar gjykata videon, me idenë që programi ka paraqitur “karaktere zbavitëse dhe pasionuese, e cila paraprakisht është bërë e ditur në shumë raste”.
Gjykata po ashtu ka marrë në konsideratë që programi shumë shpejt ka kërkuar falje ndaj çdokujt që mund të jetë ofenduar. Sidoqoftë, askush nga Real Madrid-i nuk dakordohet me vendimin e dhënë dhe tani është në duart e tyre nëse duan t’a dërgojnë çështjen në Gjykatën Supreme. /tesheshi.com/
Videoja në fjalë është kjo:
https://www.youtube.com/watch?v=t7QKg1TDiFE
