CMTV, një stacion televiziv portugez, pret që lojtari i përfaqësueses së tyre t’u kërkojë ndjesë për atë veprim të mëngjesit të djeshëm.
Ndërsa po shëtiste mëngjesin e së mërkurës me shokët e skuadrës, Cristiano Ronaldo, i ndjerë i bezdisur nga gazetari i Correio da Manha-s, ia rrëmbeu mikrofonin nga duart dhe ia hodhi në një liqen aty pranë.
Gazetari do ta pyeste Ronaldo-n në ishte përgatitur për takimin e pasdites me Hungarinë, por toni dhe mënyra e formulimit të pyetjes duken ta kenë bezdisur lojtarin.
Ronaldo është kritikuar fort për paraqitjet e tij në dy takimet e para të Portugalisë në Europian, por dje ai shënoi dy gola, duke i mundësuar përfaqësueses së tij që ta kalojë grupin dhe të vazhdojë më tej.
Drejtori i informacionit i medias së mësipërme, Carlos Rodrigues, e ka shprehur hapur kërkesën për një ndjesë nga Ronaldo: “Ne meritojmë së paku një kërkim formal ndjese nga Ronaldo dhe nga Federata.”
Ronaldo shkaktoi përsëri probleme pak orë më pas. I përcaktuar si lojtari i ndeshjes në përballjen e Portugalisë me Hungarinë, ai nuk pranoi të dëgjojë pyetje nga gazetarët në konferencën pasuese të shtypit. Lojtarët që vlerësohen si më të mirët e ndeshjeve e kanë detyrim të dëgjojnë pyetje nga gazetarët e t’u përgjigjen atyre. /tesheshi.com/
https://youtu.be/QftrIM8PDHo
