Televizioni “Telma” në raportin e saj të djeshëm dedikuar listës së personave që ka amnestuar Presidenti i shtetit Gjorgji Ivanov për festat e fundvitit nxjerr në pah dyshimet se në mesin e të amnestuarve ka pasur edhe vrasës, pedofil dhe dhunues.
Siç ishte njoftuar opinioni, para disa ditësh presidenti kishte liruar nga burgu plotësisht ose pjesërisht 174 persona, numër ky rekord deri më tani. Por dyshimet u shfaqën pasi në listën e publikuar, sikurse edhe në gazetën zyrtare nuk u cekën veprat për të cilat këta persona po vuanin dënim. Sipas ligjeve pozitive presidentit nuk i lejohet amnestim i personave për disa vepra penale të caktuara.
A po vërtetohen me këtë keqpërdorime të mundshme të mundësisë së amnestimit për shuma të caktuara parash, për çka gjatë kohë po spekulohet në opinion?
