Java e ardhshme pritet të jetë e nxehtë në politikën kosovare; pasi është konfirmuar shkuarja në Kuvend e Demarkacionit, kërkuar me ngulm nga ndërkombëtarët për t’u ratifikuar, si kusht dhe për liberalizimin e vizave. Kjo është thënë në një njoftim që Zyra e Shtypit e kreut të Kuvendit të Kosovës, Kadri Veseli shpërndau për mediat pas një bisede telefonike të këtij të fundit me z/ndihmëssekretarin amerikan, Hoyt Brian Yee.
“Ata u pajtuan që Demarkacioni të procedohet nga Qeveria për miratim në Kuvend javën tjetër”, thuhet në njoftim.
Por ndërkohë, në bisedën mes tyre jzanë përmendur për herë të parë dhe “reformat në drejtësi” (në shumës), një togfjalësh i rëndomtë tashmë në ligjërimin e politikës shqiptare, por ende i papranishëm në Kosovë.
“Veseli dhe diplomati amerikan Hoyt Yee kanë biseduar edhe për reformat në drejtësi, të cilat duhet të vazhdojnë dhe të gjitha institucionet duhet të angazhohen që reforma në drejtësi të jetë një sukses”, thuhet gjithashtu në njoftimin zyrtar të Zyrës së Shtypit të Kuvendit të Kosovës. /tesheshi.com/
