Telefonatë me tension ndërmjet Sekretarit të Shtetit të SHBA-së, Rex Tillerson dhe homologut të tij turk Mevlud Çavushogllu.
Siç bën të ditur në një komunikatë zyrtare, Tillerson ka shprehur shqetësimin e administratës së SHBA-së për arrestimin e një punonjësi të ambasadës amerikane në Ankara, por ka marrë përgjigjen se kjo është kompetencë e organeve të drejtësisë.
I arrestuari, akuzohet për pjesëmarrje në grushtin e Shtetit të vitit 2016.
Megjithë tensionin e lartë, DASH bën të ditur se Tillerson ka shprehur vullnetin që ndërmjet SHBA-së dhe Turqisë të vazhdojnë kontaktet e ngushta për të kaluar këtë impas.
Ndërkaq, siç bën të ditur televizioni publik turk TRT, kryeministri, Binali Jëlldërëm, tha se e “urojmë që marrëdhëniet ndërmjet dy aleatëve të normalizohen sa më shpejt që të jetë e mundur”. /tesheshi.com/
