Presidenti turk është uruar për rezultatin e referendumit të së dielës nga homologu i tij amerikan, si dhe nga mbreti saudit, përmes telefonatave të një dite më parë.
Donald Tramp i ka telefonuar të hënën Rexhep Tajjip Erdoganit për ta uruar atë për fitoren në referendumin për ndryshimet kushtetuese që ndryshojnë sistemin qeverisës në Turqi.
Burimet diplomatike flasin për një bisedë të këndshme 45-minutëshe, ku veç urimit nga presidenti amerikan është diskutuar dhe për krizën siriane.
Një telefonatë të ngjashme, po një ditë më parë, ka patur për Erdoganin dhe nga mbreti Selman i Arabisë Saudite.
Ky i fundit e ka uruar Erdoganin, e përmes tij dhe popullin turk, për suksesin në referendum, duke shprehur shpresën se ndryshimet kushtetuese do të sjellin më shumë stabilitet në Turqi dhe kanë për t’i dhënë një shtysë zhvillimit të saj.
Urime për Erdoganin kanë ardhur më herët dhe nga kabineti qeveritar në Riad. /tesheshi.com/
