Presidenti Trump tha se policia nuk duhet të përdorë “metodën e ngufatjes” me anë të së cilës ndalon një person duke e shtrënguar në qafë në mënyrë që ai apo ajo të dorëzohet. Siç është mësuar, kjo është një metodë izraelite, e përdorur për palestinezë dhe e ofruar në formë trajnimi për kolegët e tyre amerikanë.
Trump tha në një intervistë për Fox News se në përgjithësi, kjo metodë e përdorimit të forcës duhet të ndalohet.
“Mua nuk më pëlqen kjo metodë, por.. nganjëherë kur jeni duke e luftuar dikë i vetëm, është vështirë”, tha ai.
Këto komente vijnë pasojnë ato ku Trump ka thënë se përmes një urdhri ekzekutiv do të mund të inkurajojë departamentet policore që të zbatojnë “standardet aktuale profesionale sa i përket përdorimit të forcës”. Ky, si reagim ndaj protestave që janë nxitur pas vdekjes së afrikano-amerikanit George Floyd.
Demokratët në Kongresin amerikan po ashtu kanë kërkuar ndryshimin e legjislacionit, ku përfshihet heqja e metodës së shtrëngimit në qafë dhe kufizimi i mbrojtjes ligjore për policët. Edhe republikanët janë shprehur të hapur për reforma.
Në SHBA, shtetet janë duke rishikuar protokollet për të bërë ndryshime në përdorimin e forcës nga ana e policisë.
Në Mineapolis, vendi ku George Floyd ndërroi jetë gjatë, liderët votuan njëzëri për reformat që e kthejnë policinë në “polici të komunitetit”.
