Ministri turk i Energjisë ka thënë se shteti mund të marrë 100 milion dollarë nga Greqia, pasi një gjykatë ndërkombëtare vendosi në favor të Ankarasë, në lidhje me një mosmarrëveshje në fushën e gazit.
Gjykata Ndërkombëtare e Arbitrazhit me bazë në Paris vendosi dje në lidhje me një rast konflikti mes kompanisë turke të tubacioneve BOTAS, kundër kompanisë së gazit natyral të Greqise, DEPA.
“Para 4 vitesh, në pamundësi për të shlyer borxhin ndaj Turqisë, Greqia pritej të hartonte një plan të mëvonshëm për shlyerjen e borxhit. Megjithatë, zyrtarët e BOTAS morën masa në gjykatën e Parisit”,- tha ministri turk i Energjisë, Taner Yildiz, këtë të enjte.
“Pavarësisht faktit se ne na vjen shumë keq për situatën që Greqia është duke kaluar tani, ne duhet tu japim prioritet qytetarëve tanë dhe nevojave të tyre”,- deklaroi Yildiz, duke shtuar se BOTAS dhe DEPA do të negociojnë dhe do të llogarisin bashkë shumën që Greqia do ti paguajë Turqisë. /tesheshi.com/
