Pas Emirateve të Bashkuara Arabe, Bahreinit, Sudanit dhe Marokut, dy vende të tjera muslimane do të normalizojnë marrëdhëniet me Izraelin para se Donald Trump të largohet nga presidenca e SHBA, tha ministri i qeverisë izraelite Ofir Akunis.
Duke folur për Ynet TV, Akunis, ministri rajonal i bashkëpunimit i Izraelit, nuk tha se cilat vende ishin të përfshira.
Ai në mënyrë enigmatike tha se njëri prej tyre është në Gji, por që nuk ka të bëjë me Arabinë Saudite
Tjetri, më në lindje, është një “vend musliman që nuk është i vogël”, por nuk është Pakistan, shtoi ai.
Më parë këtë javë, ministri i Jashtëm pakistanez Shah Mahmood Qureshi tha se vendi i tij nuk mund ta njohë Izraelin derisa të zgjidhet konflikti izraelito-palestinez.
Omani, asnjë koment
“Kam përcjellë kategorikisht pozicionin e Pakistanit për Izraelin tek ministri i Jashtëm i Emirateve të Bashkuara Arabe (gjatë vizitës) dhe i thashë atij se ne nuk mund të krijojmë marrëdhënie me të derisa të gjendet një zgjidhje konkrete dhe e qëndrueshme për çështjen palestineze”, tha Qureshi, i cili shpjegoi “thellësinë e emocioneve që pakistanezët e kultivojnë atë drejt Palestinës dhe Kashmirit.
Indonezia, vendi më i populluar musliman, njoftoi javën e kaluar se nuk do ta njihte Izraelin derisa të plotësohen kërkesat palestineze për shtetin e saj, e gjithashtu edhe Malajzia ka një pikëpamje të ngjashme.
Në Daka, një zyrtar i Ministrisë së Jashtme tha se Bangladeshi nuk ishte i interesuar të vendoste marrëdhënie diplomatike me Izraelin.
Omani i mirëpriti përpjekjet diplomatike të SHBA, por nuk komentoi për krijimin e marrëdhënieve me Izraelin. /tesheshi.com/
