Teksa presidenti izraelit Isaac Hercog po viziton Tiranën dhe po qan pengjet, sigurisht vetëm ata dhe aspak qindra civilë të Gazës nën terror të pashembullt prej muajsh, deri në kufijtë e një gjenocidi, të cilin Izraeli e ka në ashtin e vet ekzistencial si shtet, Organizata Botërore e Shëndetësisë (OBSH) njoftoi se të paktën një në katër persona të plagosur në Gaza, e cila është nën sulme intensive izraelite, ka nevojë për rehabilitim, raporton Anadolu.
OBSH publikoi një raport të detajuar mbi nevojën për rehabilitimin e të plagosurve në Gaza.
“Vlerësohet se të paktën një në katër të plagosur në Gaza deri më 23 korrik (rreth 22,500 njerëz) kanë pësuar lëndime që kanë ndryshuar jetën që kërkojnë rehabilitim, tani dhe për vitet në vijim,” thuhet në raport.
Raporti shton se njerëzit me lëndime të rënda të gjymtyrëve, të vlerësuara midis 13,455 dhe 17,550, janë grupi që kanë më shumë nevojë për rehabilitim.
Më tej thuhet se 3,105 deri në 4,050 amputime të gjymtyrëve janë kryer në Gaza.
“Rritjet e shpejta të dëmtimeve të shtyllës kurrizore, lëndimeve traumatike të trurit dhe djegieve të mëdha në veçanti kanë rritur numrin total të lëndimeve që ndryshojnë jetën duke përfshirë mijëra gra dhe fëmijë”, thuhet në raport.
A little Palestinian child lost his limbs during the Israeli aggression against Gaza.
طفل فقد أطرافه خلال العدوان على غزة pic.twitter.com/RBCqYAgaYX
— Eye on Palestine (@EyeonPalestine) September 12, 2024
Izraeli ka vazhduar ofensivën e tij brutale kundër Gazës që nga sulmi i Hamasit tetorin e kaluar, pavarësisht një rezolute të Këshillit të Sigurimit të OKB-së që kërkon një armëpushim të menjëhershëm.
Më shumë se 41,100 njerëz, kryesisht gra dhe fëmijë, janë vrarë që atëherë dhe mbi 95,100 janë plagosur, sipas autoriteteve lokale shëndetësore.
Dhe kjo ka ndodhur e po ndodh mbi një popullsi muslimane, nën theksin e një lufte edhe fetare, pikërisht ndaj njerëzve të atij besimi që i morrën nën mbrojtje gjatë Luftës së Dytë Botërore në Shqipëri, të cilët i kanë marrë nën mbrojtje çdo herë në histori kur janë persekutuar sidomos të nga të krishterët europianë. /tesheshi.com/
