Inteligjenca artificiale do të ndryshojë botën më shumë se gjithçka në historinë njerëzore, më shumë sesa energjia elektrike, tha Dr. Kai-Fu Lee, ekspert i AI. Kjo është arsyeja pse përgatitja dhe mësimi i aftësive të reja është thelbësore për të ardhmen e brezave të rinj.
Shumë e lidhin inteligjencën artificiale vetëm me robotë dhe mendojnë se vetëm gjigandët e mëdhenj të teknologjisë janë përqendruar në të. Realiteti është pak më ndryshe, dhe secili prej nesh e has atë nga mëngjesi në mbrëmje, duke filluar me zhbllokimin e celularëve dhe duke njohur fytyra ose gjurmë gishtash tek algoritmet që na ofrojnë sugjerime se çfarë mund të blejmë ose cilat seri të shikojmë.
Zhvillimi teknologjik nuk do të ndalet dhe të gjithë do të duhet të mësohemi të jetojmë me të. Në mënyrë që më të rinjtë të jenë gati për atë që do të vijë, është e nevojshme t’u mësojmë atyre aftësi të reja teknike dhe dixhitale me një qasje të ndryshme në arsim.
Sipas hulumtimit të Forumit Ekonomik Botëror, 65% e fëmijëve që po fillojnë shkollën fillore përfundimisht do të bëjnë punë që nuk ekzistojnë ende.
Për këtë arsye, është e rëndësishme të investohet në zhvillimin e tyre për aftësi të reja. Kombinimet më të vlefshme të aftësive do të jenë ato nga shkenca kompjuterike, duke kuptuar se si funksionojnë makineritë, por edhe nga shkencat humane.
Ka tashmë mjete që lejojnë të rinjtë të angazhohen në zgjidhjen krijuese të problemeve. Për shembull, kodimi u jep atyre mundësinë për të komunikuar më konstruktivisht me makineritë dhe kompjuterët dhe i ndihmon ata të kuptojnë më mirë marrëdhëniet midis njerëzve dhe teknologjisë.
Si robotët do të jenë të pranishëm në shumicën e situatave sociale deri në vitin 2030 dhe pse është e rëndësishme të punohet në zhvillimin e tyre, zbuloi Judith Donath nga Qendra për Internet dhe Shoqëri Berkman Klein në Universitetin e Harvardit.
“Këto programe inteligjente komunikojnë me ne në një mënyrë njerëzore. Në shtëpi, prindërit do t’i punësojnë ata për të ndihmuar fëmijët e tyre në detyrat e shtëpisë, dhe ata do të drejtojnë takimet në punë,” shpjegoi Judith dhe tha se kjo na pret së shpejti. /tesheshi.com/
