Mirela Karabina, e emëruar si ministre teknike me propozim të Partisë Demokratike, gjatë tre muajve të punës në krye të këtij dikasteri ka pasur përplasje të vazhdueshme me vartësit e saj.
Edhe pse pritet të largohet nga dita në ditë nga detyra, Karabina është gjendur përballë një padie penale nga 7 zyrtarë të kësaj ministre.
Zyrtarët e Ministrisë së Arsimit kanë dorëzuar në Prokurorinë e Përgjithshëm kallëzim penal ndaj ministres Teknike Mirela Karabina.
Ata e akuzojnë ministren për shpërdorim të detyrës dhe për ushtrim të dhunës fizike të përsëritur ndaj zytarëve të MAS.
Drejtori i Sporteve në Ministrinë e Arsimit Vladimir Gjoni tha se zytarët nuk janë lejuar të hynë në ambientet e brendshme të MAS me urdhër të Ministres.
Gjoni kërkoi bashkëpunimin e prokurorisë për të hetuar ndaj akuzave të ngritura nga zytarët e Ministrisë së Arsimit.
Por ministrja në detyrë ka reaguar duke folur për një situatë antiligjore në këtë ministri.
“Parregullsitë dhe situata antiligjore në Ministrinë e Arsimit dhe Sportit të deklaruara nga Ministri Mirela Karabina, që në javën e dytë në drejtim të këtij institucioni, po vërtetohen nga akti i prononcimit publik, këtë herë edhe nga disa punonjës së institucionit të MAS. Veprime të tilla dëshmojnë domosdoshmërinë urgjente të reformimit rrënjësor të administratës publike. Ftojmë institucionin e Prokurorisë të hetojë me seriozitetin më të madh këtë situatë absurde të krijuar në MAS”– shkruan Karabina në reagimin e saj në emër të ministrisë.
Më herët ajo u përplas ligjërisht me sekretarin e përgjithshëm të ministrisë Plarent Ndreca./tesheshi.com/
