Tek rrapi në Mamurras

Rrepe shekullorë ka gjithandej në Shqipëri, e njëri prej tyre është dhe ai në fshatin Shperdhet të Kurbinit, i njohur për kuvendet e burrave nën hijen e tij.

Sipas kryetarit të fshatit, Sulejman Aliu rrapi është i njohur thuajse në tërë zonën e Kurbinit dhe Krujës, ndërkohë që vite më parë një grup specialistësh nga Ministria e Kulturës propozuan për ta emëruar atë si Monument Natyre, pasi përmasat e saj gjigande dhe jetëgjatësia përbënin kriteret e mundshme, por më pas, çuditërisht nuk u kujtua njeri për të.

Pranë ketij rrapi ndodhet dhe rruga me kalldrëm që sipas Aliut nga gojëdhënat aty kalonte rruga për në Krujë e ndërtuar në kohën e Skënderbeut.

Ky rrap disa herë është djegur nga rrufetë, të cilat i kanë dhënë një pamje edhe më tërheqëse.

Banorët e zonës e konsiderojnë atë si një element të krenarisë krahinore.

/tesheshi.com/