Një zëdhënës i qeverisë iraniane ka hedhur poshtë tweet-et e Presidentit amerikan Donald Trump që shprehur mbështetje për iranianët, duke thënë se populli iranian duhet të kujtojë se ai vrau gjeneral Qassem Soleimani, që po ashtu, prej tij janë përballur me sfida ekonomike (pas sanksioneve), raportojnë media shtetërore.
Zëdhënësi Ali Rabiei tha se Trump, i cili poston në anglisht dhe persisht këshillën për autoritetet iraniane që të mos vrasin protestuesit, e njëherësh duke lavdëruar “popullin e madh iranian”, ishte duke derdhur “lot krokodili” më këtë shqetësimin për iranianët.
Ai gjithashtu tha se ambasadori i Mbretërisë së Bashkuar në Teheran, Rob Macaire, kishte vepruar në një mënyrë që ishte “plotësisht joprofesionale dhe e papranueshme” pasi u arrestua për një kohë të shkurtër pranë protestave, raportoi Reuters.
Nga ana tjetër, ambasadori britanik tha se ai u arrestua pasi ndoqi një vigjilje për viktimat dhe ishte larguar kur tubimi u bë politik.
Iranianët në rrugë shprehën zemërimin për rrëzimin e një aeroplani ukrainas mbi Teheran dhe keqinterpretimet nga zyrtarë të lartë në vazhdën e tragjedisë, ndërsa vajtuan viktimat, përfshirë shumë të rinj që studionin jashtë vendit.
Rrëzimi i një avioni ukrainas të mërkurën shojti 176 persona.
Autoritetet iraniane pranuan vetëm të shtunën se ajo ishte në shënjestër të forcave të armatosura iraniane, por gabimisht. /tesheshi.com/
