Irani ka ngritur akuzat se SHBA dhe senatorin amerikan John McCain, i cili ka vizutuar Shqipërinë për një “fundjavë terroriste”, duke akuzuar opozitarët e tij muxhahidinë por edhe pjesë të opozitës siriane, të cilët sipas Teheranit jo thjesht po furnizohen me municione nga qeveria shqiptare por edhe po trajnohen ushtarakë të tyre.
Faktin që qeveria shqiptare po furnizon me municion kurdët peshmergë në kufirin mes Sirisë dhe Turqisë e ka bërë publik kohë më parë vetë ministri i Jashtëm shqiptar, Ditmir Bushati; por akuza për trajnim të grupimeve paramilitare të opozitës ndaj Bashar al Asad bëhen për herë të parë.
Në faqen zyrtare të Radio Iranit, theksohet:
“Vizita e fundit në Shqipëri e John McCain, një figurë e njohur e republikanëve të Amerikës dhe takimi i tij me Maryam Rajavi, lideren e grupit terrorist Muxhahedine Khalk, në Shqipëri mund të vlerësohet gjithashtu në kuadër të këtyre përpjekjeve.
Muxhahedine Khalk duke u shoqëruar me një ndjenjë zhgënjimi pas ndryshimit të qasjes së hapur të Shtëpisë së Bardhë pas largimit të kësaj organizata nga lista terroriste e Amerikës, po mundohet që duke vendosur kontakte me disa funksionarë amerikanë të vet, të tregohet aktive në skenën politike të këtij vendi.
Mbështetja e John McCain ndaj terrorizmit dhe ndaj grupeve terroriste nuk kufizohet vetëm me grupin terrorist Muxhahedine Khalk, sepse ndoshta asnjë funksionar i huaj në Lindjen e Mesme gjatë viteve të kaluara nuk ka mbështetur dhe nuk armatosur grupet terroriste më shumë se sa vetë ai.
Ai në këtë drejtim është në avancim shumë të madh në krahasim me të gjithë funksionarët e tjerë të qeverisë amerikane dhe ka zhvilluar shumë vizita për tu takuar me terroristët”.
Por ka qenë e menjëhershme përgjigja e “Muxhahidinëve të Popullit”, që në një deklaratë zyrtare hedhin poshtë çdo akuzë të lidhjes së tyre me aktivitete të tjera rajonale. Ata theksojnë se aktivitetet e tyre në Tiranë janë thjesht politikë normale kundër regjimit të Teheranit.
“Fashizmi që po sundon në Iranin e përfshirë nga kriza kombëtare dhe ndërkombëtare, si edhe “shfaqja” me zgjedhjet, kanë rritur numrin e ekzekutimeve masive të paarsyeshme, për t’iu paraprirë kryengritjeve publike. Në këto rrethana, ky regjim është jashtëzakonisht i tmerruar nga mbështetja ndërkombëtare ndaj Organizatës Muxhahedine të Popullit të Iranit (PMOI) dhe Këshillit Kombëtare të Rezistencës së Iranit.
Reagimi histerik i zyrtarëve dhe i medias së këtij regjimi, si edhe deklarata e Ambasadës së tij në Shqipëri, për sa i përket vizitës së Senatorit McCain në një nga qendrat e PMOI-së në Tiranë, është dëshmia e një frike të tillë.
Në këtë deklaratë, Ambasadori i regjimit të mullahëve, i cili është anëtar i njohur i Ministrisë së Inteligjencës dhe Sigurisë (mafia e terrorit dhe torturës së mullahëve), duke përsëritur argumente të vjetra dhe të pabazuara kundër PMOI-së, dhe duke i akuzuar ata se janë një sekt, u përpoq të hidhte baltë mbi marrëdhënien miqësore të PMOI-së me popullin shqiptar.
Që prej tre dekadash, kur regjimi i mullahëve dështoi në shkatërrimin dhe eliminimin e muxhadinëve, nëpërmjet masakrave dhe ekzekutimeve, ata ndërmorën një fushatë demonizimi, duke përhapur lajme të rreme kundër tyre. Megjithatë, për popullin shqiptar, që për thuajse katër vjet tashmë e ka njohur PMOI-në, kjo propagandë qesharake është e pavlerë, dhe veçse rrit urrejtjen e tyre kundër regjimit”. /tesheshi.com/
