Drejtori i Përgjithshëm i Organizatës Botërore të Shëndetësisë (OBSH), Tedros Adhanom Ghebreyesus, i cili vizitoi Idlibin në veriperëndim të Sirisë, kritikoi komunitetin ndërkombëtar, duke deklaruar se ai kishte “harruar dramën e popullit sirian”, raporton Anadolu Agency.
Madje ai ka shkruar: “Ku është njerëzimi?”
Ghebreysus, i cili vizitoi rajonet e Sirisë të prekura nga tërmetet me epiqendër në Turqi, përcolli dëshpërim përmes llogarisë së tij zyrtare në Tëitter.
“Komuniteti ndërkombëtar e ka harruar Sirinë. Situata është e trishtueshme. Dymbëdhjetë vjet, luftë, kolaps ekonomik, COVID-19, thatësirë dhe tani një tërmet. Çdokush mund të imagjinojë se si populli sirian jeton në terror. Ku është njerëzimi?”, ka shkruar ai.
Ghebreyesus ka ndarë momentet kur ka vizituar viktimat e tërmetit në profilin e tij në rrjetet sociale. /tesheshi.com/
