Drejtori i Përgjithshëm i OBSH-së Tedros Adhanom Ghebreyesus ka paralajmëruar se do të ketë pengesa dhe sfida të reja në vitin e ri, duke kërkuar përpjekje të intensifikuara për të siguruar zbulimin e varianteve të reja të koronavirusit.
Duke folur në një konferencë shtypi në internet në Gjenevë, Tedros paralajmëroi se do të kishte pengesa dhe sfida të reja në vitin e ri, duke përmendur shfaqjen e llojeve të reja të koronavirusit si një shembull.
Ai gjithashtu bëri thirrje që t’u jepet ndihmë njerëzve që e kanë të vështirë të vazhdojnë të luftojnë sepse janë lodhur nga pandemia.
Ai shtoi se OBSH po punon ngushtë me shkencëtarët në të gjithë botën për të kuptuar më mirë ndryshimet në virus dhe ndikimin e tyre.
Në këtë drejtim, Tedros theksoi rëndësinë e rritjes së kapacitetit të përcaktimit gjenomik në të gjithë botën, si dhe shkëmbimin e informacionit me Agjencinë e Shëndetit të KB dhe vendet e tjera.
Një lloj i ri i koronavirusit, i cili u zbulua në Mbretërinë e Bashkuar dhe Afrikën e Jugut dhe që duket më ngjitës, ka shkaktuar shqetësim në të gjithë botën dhe çoi në futjen e kufizimeve të reja të udhëtimit këtë muaj. /tesheshi.com/
