Çështja e godinës së Teatrit Kombëtar ka marrë një kthesë të beftë, pasi kreu i Bashkisë Erjon Veliaj ka arritur të “nënshtrojë” një prej emrave më rebelë kundër shembjes të ekzistuesit për të ndërtuar një të ri, Arben Derhemi.
Ky i fundit, së bashku me Altin Bashën dhe Alfred Trebickën, po ashtu zëra kundër të riut, e kanë pranuar më në fund se duhet të ndërtohet një i tillë.
Mes tyre është rënë dakort në parim, duke u planifikuar një tjetër seancë diskutimesh me komunitetin e aktorëve mbi disa pika të diskutueshme.
Nga ana tjetër, një grup tjetër artistësh, mbi 60 sosh, ku spikasin emra si Piro Mani, Viktor Zhusti, Eva Alikaj, Spiro Duni, madje dhe emri i vëllait të ministres Kumbaro, Arben Kumbaro, dramaturg dhe regjisor i njohur, i kanë dërguar një letër krerëve të shtetit, duke u kërkuar atyre që të ndikojnë në përshpejtimin e ndërtimit të një Teatri të ri Kombëtar. /tesheshi.com/
https://www.facebook.com/ErionVeliaj/videos/10156549262116926/?t=8
