Aleanca për Teatrit u shfaq sërish, kësaj here para godinës së SPAK, duke pretenduar se aty nuk po hetohet prishja e godinës së vjetër teatrore, që sipas tyre “është krim që duhet ndëshkuar”.
I zakonshmi Edmond Budina pyeti se “përse pas 2 vjet e 9 muajsh të kallëzimit të parë, SPAK nuk reagon?”, duke dyshuar kështu në moralin e punës së këtij “investimi amerikan” në drejtësinë shqiptare në funksion të ndëshkueshmërisë në rangjet e larta të pushtetit.
“Ne jemi këtu për t’i thënë që nuk do t’i ndahemi SPAK dhe nuk lodhemi për të protestuar kundër kësaj qeverie dhe nuk do të lodhemi duke ardhur përditë në SPAK derisa të reagojë apo të ketë guximin të mbyllë hetimet. Ne do të vazhdojmë protestat tona deri sa të realizohet qëllimi ynë: Teatri aty ku ishte dhe siç ishte”, tha ai.
Kujtojmë se godina e vjetër nuk ekziston që prej më shumë se dy vitesh, rrafshuar në kohë karantine, ndërsav bëhet gati ndërtimi i së resë. /tesheshi.com/
