Grupimi që kundërshton prishjen e godinës së vjetër të Teatrit Kombëtar, ndryshe Aleanca për Teatrin, u takua me kreun e PD-së Basha, në selinë blu kjo, ku më pas, të dy palët dolën me përbetimin gjysmë politik e gjysmë artistik për të moslejua zbatimin e projektit për një të ri në vend të të vjetërit.
“Prishja e TK është akt lufte i Ramës ndaj qytetarëve shqiptarë. Pasojat do të bien të gjitha mbi të!”, shkruan Basha. Ndërkohë, mësohet se njeriu në krye të opozitës do kalojë natën brenda ambienteve të TK-së.
“Të nderuar demokratë dhe qytetarë të degës 4 Tiranë!
Kryetari Basha sot do të qëndroj gjithë natën te Teatri Kombëtare.
Degën tonë e ka përzgjedhur që ta shoqërojë.
Ju lutem me sa mundësi keni të mobilizohemi të jemi si i ka hije degës 4.
Në orën 20:30 do të jemi në sheshin e Teatrit Kombëtare”, thuhet në një shkresë zyrtare të demokratëve.
Ndërkohë, Edmond Budina, njeriu që së bashku me të vëllanë qëndrojë në krye të rezistencës teatrore, qe po aq i ashpër në reagim.
Këta shpallën luftë dhe duan luftë, kemi sinjale se do sulmojnë teatrin, zjarri do të djegë shtëpinë e tyre. Thirrini mendjes, mos bëni marrëzira. Nuk po mbrohet as PD, as opozita, por kultura e shqiptare. E gjithë opozita do të jenë me ne, jam i bindur”, tha Budina.
Rikthimi i çështjes së nxehtë të teatrit vjen pas një akti të qeverisë, i cili ia kaloi teatrin në pronësi Bashkisë së Tiranë, e cila nga ana e saj po nis procedurat për prishjen. /tesheshi.com/
