Gjuha e ekspertizës e ka rrëzuar ëndrrën e një pjese artistësh të Teatrit Kombëtar për të ruajtur këtë godinë nga shembja nëpërmjet një rikonstruksioni e jo ndërtimit të një të riu.
Ka qenë drejtori i Institutit të Ndërtimit, Agron Hysenlliu, i cili duke folur në Ora News ka bërë me dije konkluzionet e një inspektimi të kryer në këtë godinë nga një grup prej 11 ekspertësh.
Dhe, sipas raportit, një rikonstruksion i godinës do të kushtonte rreth 3 mln euro, 4 herë më shumë se rindërtimi i tij.
“Ndërhyrjet duhet të jenë radikale që mund të ndërhyjnë deri në 90% të objektit dhe që ta sjellësh në performancën e kushteve teknike të sotme është e pamundur. Rikonstruksioni saj do të rrisë 3-4 herë koston minimale fiskale”, tha Hysenlliu.
Për me tepër, ai ka mbrojtur pretendimin se aty ka vërtet rrezik zjarri – një tezë e kahershme e Ramës kjo.
“Aty nuk ka infrastrukturë në rënien e një zjarri. Aty janë materiale që digjen shumë shpejt dhe rrezikon jetën e qytetarëve”, ka theksuar pra drejtori i Institutit të Ndërtimit, Agron Hysenlliu. /tesheshi.com/
