Vendimi i Bashkisë për t’u tërhequr nga financimi i teatrit të ri kombëtar me paratë e privatit – kompanisë “Fusha” – është parë nga ithtarët e teatrit të vjetër dhe si fitore e tyre por jo e plotë.
Robert Budina, një ndër emrat e rezistencës, ose ndryshe te Aleancës për Teatrin, pretendon se kjo është një shenjë që Bashkia e Qeveria do të tërhiqen nga projekti i tyre për të prishur ekzistencën e godinës së vjetër.
“Ne mbrojmë restaurimin e Teatrit Kombëtar”, tha Budina. “Nuk e di për cilin TK bën fjalë që do të ndërtojë me buxhetin e shtetit”, shtoi ai.
Ndërsa kreu demokrat Basha, tha se PD do vijojë të kundërshtojë projektin qeveritar për teatër të ri.
“Pa një vendim të qartë që kullat nuk do të ndërtohen dhe Teatri do të ruhet PD nuk tërhiqet nga qëndrimi dhe vendosmëria e saj”, shkroi Basha. /tesheshi.com/
