Deputeti nga radhët e Aleancës Kosova e Re, Islam Pacolli, ka kërkuar që policisë t`iu krijohen kushtet për punë dhe t`iu rriten pagat, pasi ka thënë se jo pak prej tyre janë kredi dhe kanë familjet në vështirësi financiare.
“Nëse e llogaritim policinë vetëm në momente të vështira, mendoj se është gabim i plotë sepse asnje prej policisë nuk i ka kushtet e nevojshme për ta kryer detyrën. Nuk duhet të harrojmë se secili polic çdo minut është në detyrë. Secili polic që sot e merr detyrën e shkon në punë, ka shqetësim të madh sepse nuk kanë ksuhte ekonomike, pagat e tyre janë tejet të ulëta, shumë nga ta janë në kredi. Si mund të punojë një polic kur e ka familjen në vështirësi”, ka thënë ai.
Pacolli ka kërkuar që të krijohen kriteret e mjaftueshme që policëve t`iu mundësohet kryerja e detyrës.
Por tek rasti i kredive, deklarata e tij përbën një risi sinqeriteti. Jo vetëm policët, por pothuajse e gjithnë administrata shtetërore, ku veçon dhe klasa politike, si në Kosovë e si në Shqipëri, janë zhytur në kredi. Madje kjo është kjo e fundi arsyeja se pse ndodh që të ndyhen dhe në afera korruptive, sepse në fund të muajit duhet të paraqiten tek sportelet bankare për të paguar këstin e kredisë që u rri mbi kokë si një shpatë deri sa ta shlyejnë tërësisht. /tesheshi.com/
