Dasmat shqiptare, sidomos ato në Kosovë e Maqedoni, ofrojnë gjithnjë risi e surpriza. Një e tillë ka qenë ajo e Zejdi Halimit nga Kumanova këtë verë. Siç shihet dhe në foto, ai ka preferuar që flamurit shqiptar t`i bashkangjisë dhe atë zviceran, vendit ku jeton prej vitesh si emigrant; jo si flamur klasik, por si tollumbace.
Halimi i përket atij grupi burrash që udhëtuan prej më shumë se 500 km në këmbë nga Kosova drejt Vlorës për të kremtuar 100-vjetorin e pavarësisë, të cilët u pritën më pas dhe nga presidenti Nishani në shenjë nderimi.
Dhe ndërkohë, shumë prej atyre bashkëatdhëtareve që njohu gjatë atij rrugëtimi, nga Kosova apo Shqipëria, ai i pati të ftuar në dasmën e së bijës një javë më parë. Kjo ka bërë që dasmës t`i japë një karakter mbarëshqiptar. /tesheshi.com/
