Një burrë kinez 40-vjeçar i dënuar për vrasjen e një familje katër anëtarëshe u ekzekutua në Japoni të enjten, i huaji i parë që ekzekutohet pasi zbulimi i detajeve të dënimeve filloi në 2007, njoftoi Ministria e Drejtësisë.
Wei Wei kreu vrasjet në 2003 me dy bashkëpunëtorë, gjithashtu kinezë.
Dy të tjerët u larguan për në Kinë, ku u arrestuan.
Njëri u ekzekutua në 2005 në Kinë dhe tjetrit iu dha dënimi i përjetshëm.
Japonia është një nga vetëm dy vendet në grupin e zhvilluar G7 me idenë për të ndaluar dënimin me vdekje – me Shtetet e Bashkuara – dhe shumica e publikut e mbështesin atë.
Janë 120 të burgosur në Japoni në pritje të ekzekutimit, i cili kryhet me varje në litar.
Të dënuarve nuk u thuhet dita e ekzekutimit deri në mëngjesin e ditës kur merret nga qelia.
Vitin e kaluar, 15 njerëz u ekzekutuan – numri më i madh në një dekadë – përfshirë 13 ish-anëtarët e Aum Shinnrikyo, të cilët u dënuan për kryerjen e një sulmi sarin në metro të Tokios.
Ekzekutimi i ditës së enjte është i 39-ti, pasi Kryeministri Shinzo Abe u kthye në pushtet në 2012, sipas Ministrisë së Drejtësisë.
Para vitit 2007, identiteti i të burgosurve të ekzekutuar nuk publikohej. /tesheshi.com/
