Kalimtarët janë më të sigurtë në rrugë kur dalin për shëtitje, sesa kur shkojnë në punë apo kur janë duke mbaruar ndonjë detyrë. Kërkimet kanë zbuluar se njerëzit që dalin për shëtitje priren të zgjedhin rrugë më të sigurta dhe kanë 8 për qind më pak gjasa të ecin në rrugë ku mund të ndodhin përplasje makinash, apo incidente të tjera, krahasuar me njerëzit që dalin në rrugë për të mbaruar ndonjë punë apo që janë drejtuar për diku me një qëllim të caktuar.
Kërkimet gjetën gjithashtu se njerëzit që jetonin në shtëpi private, apo që zotëronin një makinë kishin më pak gjasa të përballeshin me rreziqe në rrugë. Studimi po ashtu vë në dukje se janë burrat ata që rrezikohen më shumë nga incidentet e rastësishme në rrugë sesa gratë, fakt që studiuesit mendojnë se mund të jetë shkaku për një numër më të lartë viktimash burra nga incidentet në rrugë, rreth 2.3 herë më shumë .
Studimi i kryer nga Dr. Alex Quistberg, kërkues në universitetin e Drekselit në Pensilvani përdori GPS dhe listimet e rrugëtimeve në një vëzhgim të viteve më parë, për të krahasuar qëllimin e daljes në rrugë dhe “fatin” e personave për rreth 537 kalimtarë.
Të dhënat u hodhën në harta për probabilitetin e rreziqeve që ndeshin kalimtarët në rrugë. /tesheshi.com/
