Një koçidencë e diktuar nga rrethanat e kufizimeve për shkak të epidemisë, ka çuar në arrestimin e të shumëkërkuarit Orges Bilbili, ngjarje e ndodhur paraditen e së premtes në Tiranë.
Duke shijuar çaste lirie por pa leje dalje – s’kish si të kishte leje dalje pasi prej kohësh është në kërkim – ai është ballafaquar me kërkesën e një efektivi të Shqiponjave pikërisht mbi lejeje daljen. Dhe siç ka shpjeguar kreu i policisë së Tiranës Rebani Jaupaj, dinamika ka qenë kjo
“Një punonjës policie i cili kërkon dokumentet e identifikimit, por ainuk i është përgjigjur. Në momentin që i ka kërkuar çfarë keni në çantë, qytetari është larguar me vrap. Punonjësi i policisë e ka ndjekur dhe ai i ka drejtuar armën punonjësit të policisë. Ai ka lëvizur me vrap dhe në kohën që punonjësi i policisë e paralajmëron përsëri të ulë armën të dorëzohet, ai ka drejtuar armën dhe i ka thënë policit ‘po të qëlloj nëse nuk largohesh’.
Punonjësi ka qëlluar në drejtim të tij dhe e ka plagosur. Aktualisht ndodhet në spital, është plagosur në këmbë. Në afërsi të kësaj skene ka qenë një qytetare që edhe ajo ka marrë një plumb në këmbë, nga punonjësi i policisë”, tha kryepolici i kryeqytetit, Rebani Jaupi.
Në tetor 2019, Orges Bilbili, së bashku me me Lart Haxhiun, vranë Besmir Hidën 40 vjeç, baba i dy fëmijëve, i cili u ekzekutua në qendër të qytetit të Lushnjes teksa ishte duke pirë kafen në katin e dytë të një lokali. /tesheshi.com/
