Një video e tmerrshme tregon momentin kur një baba u qëllua në këmbë ndërsa përpiqej të mbronte tre fëmijët e tij nga një sulmues i armatosur i cili hapi zjarr në një sallon makinash në Bronx të Nju Jorkut.
Të shtënat ndodhën të hënën rreth orës 19:20 në The Road Automotive në lagjen Eastchester.
Video tregon një baba 39-vjeçar dhe fëmijët e tij të ulur në një divan në një sallon makinash të përdorura, kur një burrë me kapuç të zi vrapoi dhe filloi të qëllojë përmes një dere të hapur qelqi.
Babai menjëherë i kapi fëmijët dhe i vuri në dysheme, duke u përpjekur t’i mbrojë ata me trupin e tij. Disa sekonda më vonë, dera u copëtua dhe copa qelqi mbuluan dyshemenë. Babai, identiteti i të cilit nuk është zbuluar, u godit në kofshë. Ai u transportua në Qendrën Mjekësore Jacobi dhe thuhet se është në gjendje të qëndrueshme.
Policia tha se po kërkonte dy të dyshuar, njëri prej të cilëve vodhi një automjet menjëherë pas të shtënave.
Burimet i thanë New York Daily News se një anëtar i bandës ishte në sallon kur rivali i tij hapi zjarr. Burimet thanë se hetuesit nuk kanë përcaktuar nëse shënjestra ishte babai i fëmijëve. /tesheshi.com/
https://youtu.be/VCIzcMAcLI4
