Një drejtoreshë shkolle në SHBA dha dorëheqjen pasi prindërit e një klase u ankuan për pornografi kur fëmijëve të tyre iu shfaq një statujë e Davidit të Mikelanxhelos dhe tani, muzeu që strehon statujën ka ftuar fëmijët e kësaj klase ta vizitojnë.
Kjo histori e çuditshme filloi nga një mësim i historisë së artit në klasën e gjashtë. Aty, si një pjesë e madhe e historisë së artit, u shfaq statuja e Davidit, një kryevepër e artistit italian Michelangelo.
Tre prindër u ankuan se imazhi i kësaj statuje ishte pornografi dhe presioni i jashtëzakonshëm iu bë drejtoreshës, Hope Carrasquilla, që të jepte dorëheqjen, gjë që ajo bëri.
Cecilie Hollberg, drejtoresha e Galleria dell’Açademia, muzeu në Firence që strehon këtë vepër të Rilindjes, ka folur tani. Përveçse i ftoi fëmijët të vizitojnë muzeun, ajo tha se drejtoresha duhet të shpërblehet, jo të shkarkohet.
Edhe pse ka prindër që do të protestojnë për shkak të presionit ndaj saj, vetë Carrasquilla nuk është e sigurt se do të kthehet nëse do ta thërrasin. Nga ana tjetër, Hollberg shtoi se e gjithë Italia është e mbushur me këtë lloj arti dhe se nuk bëhet fjalë për pornografi, shkruan BBC. /tesheshi.com/
