Ministri i Punëve të Jashtme i Kosovës, Behgjet Pacolli ka deklaruar se Serbia nuk është e detyruar të thotë se e njeh Kosovën, por vetëm të “veprojë ashtu”.
Ai për “Dojçe Velen” në gjuhën serbe, ka pohuar se është reale se Serbia mund të ndikojë në rajon dhe Kosova ka një kufi të gjatë me Serbinë e se Prishtina dëshiron të ketë marrëdhënie të mira me Serbinë.
Pacolli ka thënë se për herë të fundit se në Beograd ka qenë në vitin 1998 kur ishte takuar me Sllobodan Millosheviqin.
Në pyetjen se a do të ndodhë vizita tjetër, Pacolli ka thënë se shkurtimisht është takuar me Presidentin e Serbisë, Aleksandar Vuçiçin dhe me ministrin e Punëve të Jashtme, Ivica Daçiç.
“Nuk kam asgjë kundër tyre, kemi pasur takime të shkurtra, ato kanë qenë plot mirësjellje. Shpresoj se takime të tilla do të ketë gjithnjë e më shumë. Se a do at vizitoj Beogradin, kjo varet nga vullneti i kosovarëve dhe Beogradi , ka thën Pacolli.
I pyetur për ndarjen e mundshme të Kosovës, Pacolli është thirru në planin Ahtisaari ku thuhet se Kosova nuk mund të ndahet.
“Koha kur janë ndryshuar kufijtë tashmë ka përfunduar”, ka thënë ai. /tesheshi.com/
